0001Durchleüchtiger Fürst, herz allerliebster herr vatter 0002Zue dem vohrgestrigen glükhsehligen dag wüntsche ich aus 0003trewest kintligen herzen ewer Durchlaucht von gott alles erdenklige 0004wollergehen vnd segen, damit sie deren vnzahlbare 0005in bester gesundtheit vndt allem contento erleben 0006mögen, ich aber einige gelegenheit möge haben, ewer Durchlaucht meine 0007vnterdehnigste kindlige deuotion zue erzeigen vnd meiner schuldichkeit 0008nach zue bedienen. Sage ewer Durchlaucht vnterdehnigsten dankh vohr 0009dero gnädiges schreiben vom 19ten dis, bitte vnterdehnigst, mihr nit in 0010vngnaden zue vermerken, das ich selbiges nit 0011gehorsamst auf dismahl beantworte. Es seint so eben 0012meine herren brüder ankomen, gottlob in bester gesundtheit, 0013nachdem sie dise campagne so glüklich vnd glorios 0014vollent, derselbe gebe ihnen verners sein gnade . Ihr 0015Durchlaucht, mein geliebste frau mutter, wirt mein vnterdehnigste entschuldigung 0016vohr mich gnädig einwenden, hoffe also von ewer Durchlaucht gnädige vergebung 0017zue erlangen. Der Mattenclot hatt alles woll überliuert,

0018vnd haben er, Stratman, Gall vnd Scheller darüber miteinander 0019conferirt. Ihr guettachten hatt auf heüntige post nit vertig 0020können werden, wirt aber mit könftiger vnterdehnigst überschikt 0021werden. Vnterdeßen, haben ihr Mayestät vnd alle vermeindt, könne 0022der Gall vnd Mattenklot hinein, die zeit nit hir 0023zue verliren, den augenschein vnd information 0024von allem einzue nemmen, welches sie nach 0025vnd nach zue berichten hetten. Auf könftige 0026post will ewer Durchlaucht alles weitlaufiger berichten, wie auch 0027meine vnterdehnigsten gedanken wegen des Heymans vnd was 0028weiters möchte vohrfallen. Due mich hirmit in ewer Durchlaucht 0029gnade vnterdehnigst befehlen, die ich sterben werde 0030ewer Durchlaucht 0031vnterdehnig trewgehorsamste dochter 0032EMT 0033Lins den 27ten novembris 1683 0034Weil es schon zimlich schpaht vnd die brüder erst ankommen, 0035haben sie die vnterdehnigste hoffenung, ewer Durchlaucht werden ihnen gnädig vergeben, 0036das sie nit mit schreiben aufwarten. Sie seint halt den abent 0037bey vns vnd wirt schpat. Dise brif hab ich vor zwey oder 3 dagen bekomen, 0038so hiebei vnterdehnigst schike.