0001Durchleüchtiger Fürst, herz allerliebster herr vatter 0002Ich hab mit großen freüden aus ewer Durchlaucht gnädigstem schreiben 0003vom 8ten dis dero guetten wohlstand vernommen, 0004der allerhöchste wolle sie verners dabey erhalten. 0005Auf die regenschpurgische reis gedenke ich allezeit 0006mit freüden, weil ich dorten hoffe, die gnade zue haben, ewer Durchlaucht 0007zue bedienen. Dahier richt sich aber kein mensch noch, 0008gott gebe, das es gescheh, wohl gesche, zue rechter zeit 0009vnd mit einem erwünschten effect. Wegen einladung 0010der fürsten hab ich ewer Durchlaucht schon bey vohriger post 0011gehorsamst bericht wie auch wegen des quartir. Wegen der pres- 0012lawischen sach duen ihr Mayestät bestendich laboriren. Die 0013zwey von Holstein hoff ich durch ihren bruedern zue 0014gewinnen, welcher zue diesem end hinein ist, 0015sie zue disponiren, vmb die andren duen sich auch 0016bemüehn. Ich werd auch dise dag den Nostiz ruefen 0017laßen vnd diese sachen eiferigst recomendiren.

0018Wan die wahl nuhr balt geschicht, so wirt er 0019gewis sein bestes duen, weil diese vacatur ist. 0020Wegen der portugesischen sach ist der curir schon 0021in Schpanien abgefertigt, iezt kunten ewer Durchlaucht ohne 0022vnterdehnigste masgebung an den schpanischen botschaffter 0023dises schreiben ablaufen laßen, welches ich negstens 0024zuerukh gehalten hab. Mit dem Cardinal 0025haben ihr Mayestät auch geret, gott geb sein 0026gnade in diser sach. Es hatt hier izt etlige 0027dag ein guette bahn geben, aber heünt geht 0028schon anfangen widerumb auf. Mihr seint aber 0029noch nit gefahren, vermein bis auf den sonntag 0030werd es gahr auf gehn, dan wie wohl sie mich 0031nit gern vahrn laßen wegen eines kleinen catar, 0032so ich iezt ein dag 3 hab, so wurd ich es darumb 0033nit bleiben laßen. Diese dag ist aber 0034so ein starker windt gewesen, das mihr so 0035nit haben können. Ich due mich hirmit

0036ewer Durchlaucht gehorsamst befehlen, die ich sterben werde 0037ewer Durchlaucht 0038ganzergebenste trewgehorsamste 0039dochter 0040EMT 0041Wien den 21 jenner 1683